Pynlait ka Iran yei video wa pynuiñ ya ka jhaad ka US Navy

Iranian State Media da pynlait ko yei video wa maham ka Iranian Navy ya ka jhaad ka US Navy wow uiñ hadien wa psiah ko cha Strait of Hormuz.

Ini wan i hadien wa ka USA ha ka 11 tarik uni u bnai da pyntip ko wa ki ar tylli ki jhaad Guided-Missile Destroyer wa kynthup ya ka USS Frank E Petersen Jr wa USS Michael Murphy da psiah ki cha kani ka Strait ya kawa da khang da ka Iran nadooh was dang ka thma ha u February wow pynkhooid yak i bomb Sea Mines wa booh ka Iran.

Ha i video, ki chipai ka Islamic Revolutionary Guard Corps’s (IRGC) “Sepah” (Corps) da maham ki ya ka USS Frank E Peterson wow liwan wut-wut na ini i thaw cha Indian Ocean wei lada ym ngait daw chah siat ko.

Da sñiaw leh ya ka chipai na ka USS Frank E Peterson wa ong wa ini toh i lai luti donhi ka jhaad katkam ki aiñ ka pyrthai (international law) deiwa pynrap wa ym em thmu ko wow pynyoo bor.

U chipai ka Iran da ong chooh u wa ini toh i maham wa khaddooh (last warning, le sien).

Related posts

Daiñ kuna ka AI ya uwi Rs. 500 deiwa ong wym em sap Helmet u bru wa chong hadien tangwa da ka Guitar

September 28, 2026

Hadooh 33.8°C poi i chit ha Jowai

September 28, 2026

Heijooh i por da kyntu u ya ki jhaad wa em ha Oman Sea wow jngai 10 miles na kawon kawon ka jhaad chipai neibhah daw siat u ya ki khlem maham de.

Ka Iran da kam ko wa du hadien ini kini ki jhaad da mih noh ki na ini i thaw.