161 Kg u bhang yoh kem ki pulit ka East Jaiñtia na ar tylli ki kari

Ki pulit ka East Jaiñtia Hills ynnin ka 15 tarik da yoh biang ki wow kem ya kiwa khayi bhang na ki ar tylli ki kari wei da kem leh ya 3 ngut ki bru heiyatoh wa ini deilang wa u bhang wa 161 Kg.

Nyngkong heipor kamwa 3:35 i sngi, ki pulit ha Umkiang PP hawa kynreh ki ya ki kari ha Damcherra, Kuliang, na kawi ka kari Honda City wa em Number AS-06V-8941, da chem ki ya u bhang wa khia 84 Kg ya uwa da song bha dei miat wei da murieh hapoh kari. 

Neiliang ki pulit da kem ki ya uwa yah ya kani ka kari uwa tip kam u Laxmindar Gour, uwa na Narendrapur, Tripura wei da pynngat mukotduma ya oo ha Lumshnong PS hapoh ka Case No. 12(3)2023 u/s 20(b)(ii)(c)/29 NDPS Act. 

Pyn ynnin hi ka sngi heipor 6:45 i janmiet ki pulit ka Umkiang PP hawa kynreh ya ki kari ha i jooh i thaw, da ksoh ki ya kawi ka kari Mahindra KUV 100 wa em ya u Number AS-12P-2301 wei napoh kani ka kari da chem ya u bhang wa khia 77 Kg ya uwa da song wei da murieh hapoh ka kari. 

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Na kani ka kari da kem noh ya u Md. Hachan Mia uwa 37 snem na Latugoan, Tripura wa u Mid. Ajir Hosen uwa 35 snem na Palgoan Tripura. 

Da kem leh ya le tylli ki Mobile Phone na kini ki le ngut wei neiliang ki pulit dang takit ki heiyatoh wa ini waroh.