U MLA ka Jowai uwa man leh kam u Montri sorkar, u Wailadmiki Shylla ha ka 6 tarik uni u bnai da yoh u wow pynlait ki Work Order hapoh ka Scheme PMAY-Urban 2.0 kawa man ka Scheme chna yung ka sorkar pyrdi ha ka yalang wa da pynman ha pchem ka Jowai Municipal Board.
Ha kani ka sngi, u Montri da saam u ki Work Order cha ki 146 ngut ki bru kiwa chong wa sah hapoh ka sor Jowai kawa man leh kam ka Urban Area.
Ini da man ko iwa boon dooh wow saam kini ki Work Order chisien saam hapoh ka chnong Jowai.
Ya ka yalang da pynlai da u Philanderwell Lyngdoh uwa man kam u Chairman ka Jowai Municipal Board wei ya ki kyntien pdiang sñiawbha da e da ka, D.V. Lyngdoh, CEO JMB.
Da yoh leh yei klam wei pynche heiyatoh wa ka Scheme PMAY 2.0 na ka L. Marbaniang, Financial Specialist PMAY2.0 deilang i pynche na u H. Marbaniang, Urban Planner heiyatoh wa i rukom chna ya kini ki yung PMAY 2.0.
Ya ki kyntien e khublei da yoh na u R. Kyndiah Co-ordinator PMAY.
Discussion about this post