Hadien wa dadep wow puræ bniah ya ki RTI wa da yoh jubab na ka yung krehkaam ka DSC, East Jaiñtia Hills District kiwa da yaleh da u Reachingson Siangshai, kamtæ deilang wa u Kerlang Ksoo da thoh ki cha u DC uwa man leh u Chairman ka DSC deiwa e buit 17 tylli kiwa emkaam u leh yow pynbha pynmiat wei yow pynman yei khut kreh iwa khooid yow yoh yei chaniah ki paidbah.
Da e buit wa manda khut yaleh kreh toh u khana bniah ya ki kyndon manda pynmih Advertisement neibynta waroh ki kyrdan kreh wei wow pyntip leh cha uwi pa uwi uwa yaleh kreh yei por pynman Exam, ki Test wa ki Interview.
Da toh u leh u pynyoo paidbah ya ki Exam wow pynman ha ka chi snem wei wow thung ka Panel kawa laitlooid yow pait yeini waroh.
Ya ki Question Paper leh toh u pyntikna wa ye u murieh bha ki yow lait ki u lait tooh wei wow chna leh soo jait (A, B, C wa D) wei manda dep u thoh Exam wow pynyoo leh ya ki Answer Key.
Ya ka Result toh u pynyoo paidbah kut wa dep ka Exam deiwa pynyoo paidbah leh ya ki Marks wa yoh ki.
Toh u pyntikna leh wa kiwa yaleh kreh wa ki kreh wa lait toh u man ko katkam ka kyndon hadooh hawa khut pynman Personal Interview wei wow riñdur Video leh hawa leh Personal Interview.
Lada jia wa em kiwa yoh i jooh ki Marks toh u pynkhreh leh ka kyndon Tie-Breaker Rule.
Hap leh wow pynmih ya ka Final Result deilang wa ki Marks ka Personal Interview kamjooh kiwi de ki Test.
Da e buit leh wow booh ya ka Grievances Cell/Redressal Mechanism yow ye kiwa chah ktah wow booh ujor.
Discussion about this post