Ka Howrah Railway Station wa em ha West Bengal, toh kawi na ki Station rel wa rim tam wei kawa heh dooh ha ka ri kawa man leh ka bynta wa kongsan bha ha ki luti rel ka ri.
Ka Indian Railway toh kawa heh dooh ka rukom kit bru ha pyrthai kawa pynlai ya palat 22,000 tylli ki rel ha ka chi sngi wa palat 2.4 klur ngut ki bru wei ka Howrah man ko kawa boonkaam dooh na ki.
Ya ka Howrah Railway Station da seiñ ha u 1854 wei man ko kawa rim dooh ka Railway Station ha India heiwa da pynyabi ko ya ka luti rel na Howrah cha Hooghly ha u jooh u snem wei nadooh itæ i por da man ko ka dwar ya kiwa lai wa wan cha thaaiñ mihsngi ka ri.
Kani ka Station man ko kawa heh bha wei em ko hadooh 23 tylli ki Platform heiwa da em palat 10 lak ngut kiwa lai luti na ka lyngba palat 600 tylli ki rel.
Discussion about this post