15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

18 ngut kiwa dang yoh COVID-19 wa kyntup ya u Doctor

Advertisement ad1
Advertisement ad1

U DHS (MI) ka jylla u Dr. A. War da pyntip u wa kiwa yoh COVID-19 ha Meghalaya hadooh 1 waje i sngi ynne ka 2 tarik da em ki 18 ngut wei kiwa chait da em ki 12 ngut.

Na kiwa dang yoh thymme, ha East Khasi Hills da em ki 13 ngut kiwa liwan (1), BSF (5), ki bru paidbah (4) wa na kiwi ki chnat chipai (3), ha Ri Bhoi 4 ngut heiwa 3 ngut toh kiwa liwan na baar jylla, wa ha East Jaiñtia Hills (1) wa chitom SARI (Severe Acute Respiratory Infection) wei da kit noh cha Jowai yow yoh yei sumaar.

Advertisement ad1
Advertisement ad1

Na ki 12 ngut kiwa chait waroh toh kiwa na East Khasi Hills kiwa 10 ngut ki BSF wa 2 ngut ki bru paidbah iwa da pynpoi ya waroh kiwa da chait cha 264 ngut.

Na kiwa dang yoh thymme, uwi toh u Doctor u wakreh ha ICU Covid Ward ha NEIGRIHMS, 1 wa yabi, 1 won wakreh ha Civil Hospital Shillong wa 1 wa yang wakjut ha Civil Hospital, Shillong.

Ha Ri-Bhoi toh wa liwan na Bihar (1) wa Assam (2) katwa 1 toh uwa chet baam ha Nongsder Corona Care Centre.

Na ki Containment Zone wa boon dooh kiwa yoh toh na Mawpat, Mawbah wa Jhalupara wa em 2 ngut wa yoh ynnin.

Waroh kiwa dang em ya u COVID-19 haki District man ki kamni ha wah:

East Khasi Hills-497 ngut heiwa ki BSF da em ki 213 ngut, ki bru paidbah 227 ngut wa na kiwi ki chnat chipai 57 ngut.

Ri Bhoi-50

East Jaiñtia Hills-17

West Jaiñtia Hills-14

West Khasi Hills-5

West Garo Hills-16

South West Garo Hills-4

South Garo Hills-2

Waroh kiwa dang em ya uni u khñiang da em ki 605 ngut.

Share this:
Previous

Yoh COVID-19 u montri ki kaam pohyung ka ri, u Amit Shah

Next

Kyntu ka HYC na ka sorkar wow pynlait chwa i paan Aadhaar hapoh ka jylla