19% ku i yoh ka Meghalaya naka GST ha u Naichiphaw

Ka poisa waroh (Gross) wa yoh naka GST ha u Naichiphaw 2021 da poi ko T. 1,30,127 klur heiwa na kini, ka CGST toh T. 23,861 klur, ka SGST toh T. 30,421 klur, ka IGST toh T. 67,361 klur (wa kynthup lang ya ka T. 32,998 wa yoh na ki mar wa wanrah chapoh ka ri) waka Cess T. 8,484 klur (wa kynthup T. 699 klur wa yoh na ki mar wa wanrah na baar ri).

Ka sorkar da dep su ko T. 27,310 klur cha ka CGST wa T. 22,394 klur cha ka SGST naka IGST kamwa jooh su. I nong ka sorkar pyrdi wa ki sorkar jylla hadien wa da dep pynbait yei lut i sep neibynta u Naichiphaw 2021 toh T. 51171 klur ya ka CGST wa T. 52,815 klur ya ka SGST.

I nong wa da yoh naka GST neibynta u Naichiphaw 2021 da man ko kawa boon da 24% yeiwa yoh ha u Naichiphaw 2020 wa 36% boon ko neibynta u 2019-20. Ha utai u bnai ka poisa wa da lum na ki mar wa wanrah na baar ri da boon ko da 39% na kiwa yoh hapoh ka ri hawa nujor wa u snem 2020 ha i jooh i por.

Ka nong wa yoh naka GST neibynta uni u Naichiphaw 2021 toh kawa poi hei wa ar nei boon dooh nadooh wa sdang pynemkaam ya ka GST heiwa kawa heh dooh toh ha u April 2021. Ini i ku ha ka khayi pateiñ man i iwa pteiñ hadien wa sdang pynemkaam da ka E-way Bill man-u-bnai nadooh wa wan biang la-ær wa ar ka khlam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka poisa wa yoh da yei wow boon chooh chooh lada ym em chah ktah ka dai ka thied kari neidaw wa duna kiwa chna Semi-Conductor. 

Heiyatoh waka Meghalaya ka poisa wa da yoh naka GST ha u Naichiphaw 2021 da man ko T. 140 klur katwa ha u Naichiphaw 2019 da yoh T. 117 klur iwa ku da 19%.

I rukom yoh poisa naka GST ha uni u snem wa i ku i hiar i yoh naka GST ki jylla ha u Naichiphaw man ki kamni ha wah: