Ka 1st Division 2023 ka East Jaiñtia Hills District Football Association (EJHDFA) ynne da poi ko cha ka sngi wa ynru deiwa pynman ar tylli ki yalehke.
Ka yalehke wa nyngkong da kut ko da 1-1 hapyrdi ka Chiehruphi SYWSC waka Rymbai Synrang Shahkhain.
Ya ka Chiehruphi da thap kool da u Defender Pajat haka minit wa 47 katwa ya ka Synrang Shahkhian da thap da u Richard Dkhar haka minit wa 83.
Ha ka yalehke wa ar, ka Khliehriat West FC da jop ko da 1-0 yaka Bataw YWSC da ka kool wa thap da u Mihlang Sutnga haka minit wa 69 lyngba ka Free Kick.
Ki yalehke wa bood u pynman ha ka 2 tarik u Naichiphaw hapyrdi ka Musniang SC waka Wahiajer NYSSC heipor 12:00 waje pyrdi sngi wei daw pynbood da ka Rangad SC waka Lumshken SC heipor 2:30 i sngi.
Discussion about this post