Ka Lapangap ymtoh ka thaw wa ya kajia pood, daw yaklam u Conrad wa u Himanta mynstep: Sniawbhalang

U Symbood Montri Rangbah ka jylla uwa man leh u Chairman ka Regional Committee yow pynbait pood ha West Jaiñtia Hills, u Sniawbhalang Dhar da ong u wa ka Lapangap ym haap ko ha ka thaw wa ya kajia, tangwa i mih kynaad toh heipor wa kiwa chong chnong lai ki cha ki thaw rep.

Da ong u wa ka sorkar da phah chooh chooh ko ya ki pulit cha katai ka thaaiñ wa em i kynaad wei ka sorkar dang yang ko leh ya ka Report na u Deputy Commissioner yei long i man, ya kawa daw rah yow yaklam mynstep ka sngi hapyrdi ki ar ngut ki Montri Rangbah, u Conrad Sangma wa u Himanta Biswa Sarma.

Related posts

Le ngut ki MDC ka TMC kiwa daw psiah cha ka NPP: Conrad

November 2, 2026

Ya ka Election cha GHADC daw pynbna hadien ka Delimitation

April 15, 2026

Neiliang ka sorkar Meghalaya wa sorkar Assam da pynbait ki wow yachem myntep ka sngi ha State Guest House (Koinadora), Khanapara, Guwahati heipor 1:00 waje i sngi yow yaklam hajrong ki kaam pynbait pood khamtam hadien i kynaad wa da mih ha ka chnong Lapangap.

Hawa kylli, u Sniawbhalang uwa man leh u MLA ka thaaiñ da ong u wa kamwa man katni i man i long da jai-jai wei da lai bait wei da pyntip u leh wa ki Deputy Commissioner yong waroh ar District, na West Jaiñtia Hills ka Meghalaya wa na West Karbi Anglong yong ka Assam da yaklam ki na i por cha i por wei ya ka Report daw rah mynstep ka sngi ha ka yalang yong ki 2 ngut ki Montri Rangbah yow chim ya ka rai.