Ka 1st Division 2023 ka East Jaiñtia Hills District Football Association (EJHDFA) ynne da poi ko cha ka sngi wa khat-wi deiwa pynman biang ar tylli ki yalehke.
Ha ka yalehke wa nyngkong, ka Ladrymbai-B SC da jop ko da 2-0 yaka Musniang SC da ki kool wa thap u Dasukmiki Dkhar haka minit wa 24 wa 78.
Lyngba ini i jop, ka Ladrymbai da yoh ko wow psiah cha ka Quarter Final na ka Pool-A.
Ha ka yalehke wa ar, ka Lumshken SC da jop ko da 1-0 yaka Shilliang Umshong SC da ka kool wa thap u Markos Bareh haka minit wa 11.
Da ini i jop ka Lumshken SC wei i rem ka Shilliang Umshong da yoh noh wow psiah Quarter Final da ka Tpepswer SSWO na ka Pool-B yong kani ka 1st Division.
Ka yalehke wa bood u pynman msyep ka sngi hapyrdi ka Rymbai Synrang Shahkhain SC waka Pamra Paithlu SC heipor 12:00 waje pyrdi sngi wei daw pynbood won da ka Lumputhoi SC waka Khliehriat West FC.
Discussion about this post