1st Division: Jop ka Moosalyngkat yaka Luti Tuber

Ka 1^st Division ka West Jaiñtia District Sports Association (WJDSA) kawa tip leh kam ka Chatister Kharkongor Memorial Trophy da poi ko cha ka sngi wa ynru ynne deiwa pynman kawi ka yalehke.

Ha kani ka yalehke, ka Moosalyngkat SC da jop ko yaka Luti Tuber SW da 4-1.

Ya ka Moosalyngkat da thap kool da u Datngen I Dan haka minit wa 25, u Edius L Laloo haka minit wa 80 wa 89 wa u Lalthakhuna Ngaite haka minit wa 90+3 katwa ya ka Luti Tuber SW da thap da u Kordor Dkhar haka minit wa 55.

Ka yalehke wa bood u pynman mynstep hapyrdi ka Nangbah Iawmusiang waka Sabahmuswang heipor 2:00 waje i sngi.