Ka 1st Division 2023 ka East Jaiñtia Hills District Football Association (EJHDFA) ynne da poi ko cha ka sngi wa chiphaw deiwa pynman biang ar tylli ki yalehke.
Ha ka yalehke wa nyngkong, ka Chiehruphi SYWSC da jop ko da 3-1 yaka Pamra Paithlu SC.
Yaka Chiehruphi da thap kool da u Suting Syrti haka minit wa 31 wa 37 wa u Sa-O Bareh haka minit wa 62 katwa ya ka Pamra Paithlu da thap da u Firstboy Rymbai haka minit wa 57.
Ha ka yalehke wa ar, ka Byndihati SC da jop ko da 1-0 yaka Bataw YWSC da ka kool wa thap u Kyrshan Nongtdu haka minit wa 53.
Kamtæ ka Chiehruphi waka Byndihati da yoh ki wow psiah cha ka Quarter Final kani ka 1st Division ka EJHDFA.
Ki yalehke wa bood u pynman ha ka 9 tarik hapyrdi ka Ladrymbai-B SC waka Musniang SC heipor 12:00 waje pyrdi sngi wei daw pynbood da ka Shilliang Umshnong SC waka Lumshken SC heipor 2:30 i sngi.
Discussion about this post