Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa arphaw-phra ynne ka sngi.
Ka yalehke wa da pynman toh hapyrdi ka Dulong waka Demthring wa da jop da ka Dulong da 3-1.
Ya ka Dulong da thap kool da u Dao Chwa Shylla ha ka minit wa 2 wa 16 wa u Wallam Jingsuk Suting ha ka minit wa 68 katwa ya ka Demthring da thap da u Spain Ryngkhlem ha ka minit wa 64.
Ki ar tylli ki yalehke wa da hap rah tarik ini wa dep daw pynman ya ki ha ka 7 tarik uni u bnai heipor 12:00 waje pyrdi sngi heiwa ka Chilliangraij daw yachem ko waka Moosalyngkat wei daw pynbood da ka Mukhla Raij waka Wahiajer heipor 2:30 i sngi kiwa man leh ki yalehke wa khaddooh chwa u poi ka lympung cha ka yakhun Semi Final.
