Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa arphaw-le ynne ka sngi.
Ka yalehke wa da pynman toh hapyrdi ka Moosalyngkat SC waka Mukhla Raij SC wa da jop da ka Moosalyngkat da 4-1.
Ya ki kool ka Moosalyngkat da thap da u Sebastian Dhar ha ka minit wa 52, u Lalthakhuma Ngaite ha ka minit wa 66, u Livingstone Mannar ha ka minit wa 80 wa u Gladio Susngi ha ka minit wa 87 katwa ya ka Mukhla Raij da thap da u Joydeep Bamon ha ka minit wa 77.
Ka yalehke u pteiñ biang ha ka 31 tarik hapyrdi ka Chutwakhu SC waka Luti Tuber Ialong SC heipor 2:30 i sngi.
