Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka sngi wa ar ynne ka sngi.
Ka yalehke wa da pynman toh hapyrdi ka Mukhla Raij waka Chilliangraij heiwa da jop ka Mukhla da 4-2.
Ya ka Mukhla Raij da thap kool da u Chirupki Suting ha ka minit wa 16, u Joydeep Bamon ha ka minit wa 51 wa 73 wa u Chandame Suna ha ka minit wa 89. Ya ka Chilliangraij won da thap da u Willingly Kurbah ha ka minit wa 32 wa u Hamewan Rngad ha ka minit wa 84.
Ka yalehke u pteiñ ko ha ka 3 tarik u Naichiphaw hapyrdi ka Wahiajer SC waka Mukhla Evergreen SC heipor 2:30 i sngi.
Mynstep daw pyndep ya ki Semi Final ka 40 Above Veteran Tournament heiwa heipor 1:00 waje i sngi ka Rympei PIP daw yachem ko waka Western United wei daw pynbood won saka Friends United waka Mawryngkneng heipor 3:00 waje.
