Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa arphaw-san ynne ka sngi.
Ka yalehke wa da pynman toh hapyrdi ka Nangbah Iawmusiang waka Evergreen Mukhla wa jop da ka Nangbah Iawmusiang da 4-1.
Ya ka Nangbah Iawmusiang da thap kool da u Malvern Lyngkhoi ha ka minit wa 12, 22 wa 54 wa u Nikhil Lyngkhoi ha ka minit wa 57 katwa ya ka Evergreen Mukhla da thap da u Teddyson Bang ha ka minit wa 42.
Ka yalehke mynstep u man ko hapyrdi ka Sailung Ialong SC waka Shangpung Moosyiem SC heipor 2:30 i sngi.
