Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa arphaw-ar ynne ka sngi.
Ka yalehke wa da pynman toh hapyrdi ka Sailung Ialong waka Dulong wa da jop da ka Sailung da 3-1.
Ya ki kool ka Sailung Ialong da thap da u Kynsai Pale ha ka minit wa 68 wa 84 wa u Dauruhi Pale ha ka minit wa 89 katwa ya ka Dulong da thap da u Tirous Kyndait ha ka minit wa 90.
Ka yalehke mynstep u man ko hapyrdi ka Moosalyngkat SC waka Mukhla Raij SC heipor 2:30 i sngi.
