Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa ynru ynne ka sngi.
Ka yalehke toh hapyrdi ka Shangpung Moosyiem waka Demthring heiwa da jop ka Shangpung Moosyiem da 3-1.
Ya ki kool ka Shangpung Moosyiem da thap da u Ebormi Lyngdoh ha ka minit wa 24, u Mewotki Sungoh ha ka minit wa 69 wa u Wonderful Langbang ha ka minit wa 75 katwa ya ka Demthring da thap da u Bony First Pyrtuh ha ka minit wa 34.
Ka yalehke u pteiñ ko ha ka 10 tarik hapyrdi ka Wahiajer SC waka Nangbah Iawmusiang SC heipor 2:30 i sngi.
Mynstep u pyndep ya ka Final ka 40 Above Veteran Football Tournament hapyrdi ka Rympei PIP waka Friends United heipor 2:00 waje i sngi.
Katwa ka Final ka Super Division u pynman ha ka 8 tarik heipor 1:00 waje i sngi hapyrdi ka 7Wasa waka Ladthadlaboh.
