Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa arphaw-ynru ynne ka sngi.
Ka yalehke wa da pynman toh hapyrdi ka Shangpung Moosyiem waka Sailung Ialong wa da jop da ka Shangpung da 5-1.
Ya ka Shangpung Moosyiem da thap kool da u Kenny Langbang ha ka minit wa 15 wa 84, u Remine Papang ha ka minit wa 27 wa 52 wa u Mewothi Sungoh ha ka minit wa 61. Katwa ya ka Sailung Ialong da thap da u Mebakynsai Pale ha ka minit wa 59.
Mynstep ka yalehke u man ko hapyrdi ka Chilliangraij SC waka Wahiajier SC heipor 2:30 i sngi.
