1st Division: Jop ka Sohmynting wa Nangbah Iawmusiang

Ka 12^th Chatister Kharkongor Memorial Trophy kawa man leh kam ka 1^st Division Football Tournament 2024 wa pynman da ka West Jaiñtia District Sports Association da poi ko cha ka sngi wa san ynne deiwa pynman ar tylli ki yalehke.

Ha ka yalehke wa nyngkong, ka Sohmynting da jop ko ya ka Khimusniang da 3-1.

Ya ka Sohmynting da thap kool da u Meker Suting ha ka minit 8, u Lastborn Suting ha ka minit wa 24 wa u Damang I Pyrtuh ha ka minit wa 77 katwa ya ka Khimusniang da thap da u Jeffrey Litting ha ka minit wa 45+3.

Ha ka yalehke wa ar, ka Nangbah Iawmusiang da jop ko ya ka Dulong da 3-2.

Ya ka Nangbah Iawmusiang da thap da u Worldrick Susngi ha ka mini wa 58 wa 60 wa u Shanhok Siangshai ha ka minit wa 62 katwa ya ka Dulong da thap da u Sahame Lyngdoh ha ka minit wa 21 wa u Tiros Kyndait ha ka minit wa 75.

Ki yalehke wa bood u pynman ha ka 14 tarik:

Khliehiongriang Vs Mooknor Thadmuthlong (12:00 PM)