Ka 1st Division ka West Jaiñtia District Sports Association (WJDSA) kawa tip leh kam ka ‘U Chatister Kharkongor Memorial Trophy’ da poi ko cha ka sngi wa arphaw-soo ynne deiwa pynman kawi ka yalehke.
Ka yalehke wa da pynman toh hapyrdi ka Wahiajer waka Moosalyngkat heiwa ka Wahiajer da jop ko da 2-1.
Ya ka Wahiajer da thap kool da u Marlangki Suting haka minit wa 15 wa u Niwan O Gatphoh haka minit wa 28 katwa ya ka Moosalyngkat da thap kool da u Meban Thubru haka mint wa 64.
Da kani ka yalehke ynne, waroh ki liang da dep yaleh ki mar soo sien heiwa ha ka Pool-A da yoh nyngkong da ka Mukhla Evergreen katwa haka Pool-B da yoh nynkong da ka Wahiajer kawa khlem pu em rem chisien leh.
Ka yalehke wa bood u pynman mynstep hapyrdi ka Sabahmuswang waka Moosyiem Shangpung heipor 12:00 waje pyrdi sngi.
Ki Points man ki kamni ha wah:
Discussion about this post