Ka 1st Division ka West Jaiñtia District Sports Association (WJDSA) kawa tip leh kam ka Chatister Kharkongor Memorial Trophy da poi ko cha ka sngi wa arphaw ynne deiwa pynman kawi ka yalehke.
Ka yalehke wa da pynman toh hapyrdi ka Shangpung Moosyiem waka Mookyndur kawa da kut da 1-1.
Ya ka Shangpung Moosyiem da thap kool da u Niwanshan Sajem haka minit wa 40 katwa ya ka Mookyndur da thap da u Jomsing Pariat haka minit wa 54.
Ka yalehke wa bood u pynman mynstep hapyrdi ka Nangbah Iawmusiang waka Demthring heipor 12:00 waje pyrdi sngi.
Discussion about this post