15 49.0138 8.38624 1 0 4000 1 https://wyrta.com 300 0
Advertisement ad1

200 tylli ki tre dieñ thung ki Muster Roll ka Thadlaskeiñ C&RD Block Unit

0 Comments

Jowai: Kam chibynta ka World Environment Day wei wow chimbynta lang haka thong ka sorkar jylla kawa tip kam ka Meghalaya One Citizen One Tree, ka seiñ All Jaiñtia Muster Roll Workers & Labour Union, Thadlaskeiñ C&RD Block Unit, da ya chimbynta lang ko deiwa thung ko kamwa 200 tylli ki tre dieñ ha i thaw ka Mukhla Raij wei da emlang chirup wa u Ebormi Lyngdoh waheh chnong ka dorbar chnong ka Lad Mukhla, u Majli Sana u waheh ka Raij Mukhla, ki dkhot wakreh Muster Roll kiwa wan na kylleiñ ki chnat krehkaam ka sorkar Meghalaya kiwa em hapoh ka Thadlaskein C&RD Block wa ki ki dkhot ka chnong.

Hachwa wow sdang ya i thung dieñ, da em ka yalang kawa da pyllai da u Dathrang Lakiang Vice President ka seiñ, wa i klam na u Ebormi Lyngdoh waheh chnong ka Lad Mukhla dorbar chnong, wei da yoh leh ya ki kyntien na u Ailad Bhoi (MDC) uwa man u Deputy Chairman ka JHADC uwa da kyntu kynpham ya kiwa em ha ka yalang wa ya kiwa chong chnong ka ri-loom Jaiñtia yow yaleh u thung ya chiboon ki dieñ kamjooh wow sumaar chooh chooh ya ka rymaw khnang yow im yow chngaiñ ka imlang sahlang khamtam yaka pateiñ ki khon ki kti yong i kiwa daw heh hadien.

Neiliang u Ailad da yaroh u ya ka seiñ wa ya ki wakreh Muster Roll kiwa da chim ya kani ka luti kawa man ka nongmuna ya kiwi wow pynneh pynsah lang ki yaka rymaw.

Hadien ka yalang, hapoh i yahkhmat ka Mary Shangpung, Treasurer waka Ester Mukhim ka dkhot ka seiñ da sdang ya i thung dieñ wei da saam leh yaki tre dieñ cha ki dkhot wakreh Muster Roll wa ki paidbah waroh kiwa ya embynta ha kani ka ya thung dieñ.

Ki wakreh Muster Roll kiwa em hapoh ka Thadlaskein C&RD Block daw thung dieñ ki ha ki thaw kreh ki yong ki ha ki sngi kiwa daw wan wei daw sumaar ki leh yaki dieñ kiwa da dep thung ki.

Ya ki ktien e khublei da e da ka Y. Rymbai President ka seiñ.

Ya kani ka khubor da phah da ka S. Sana, General Secretary All Jaiñtia Muster Roll Workers & Labour Union, Thadlaskeiñ C &RD Block Unit.

Advertisement ad1

0 Comments

Leave a Reply