Jowai: Ha ka 28 u Duiatra (Jan), u SI SN Biswas, MCP Commander, Sonapur Bridge East Jaiñtia Hills da ujor u wa heipor 7 waje i step da yoh kem ya soo tylli ki tuck (NL-AD-9074, AS-11-AC-9011, MH-04-HD-0089 wa ML-10C-6651) kiwa kit pyrchah yaka aiñ ya 104 tylli ki masi hei rukom wa leh dusmon ya ki masi.
Ki masi da suba toh kiwa chah tooh wei da kit yaki leh khlem biang ki kot ki sla. Heiyatoh wa ini da kem ya u (1) Amir Uddin (32 snem), (2) Akandar Ali (40 snem), (3) Ajimul Haque (30 snem), (4) Ijajul Islam (26 snem), (5) Bahar Uddin (30 snem), (6) Samuddin (24 snem), (7) Imrul Alam (31 snem), (8) Sahrul Alam waroh kiwa na Assam wa u (9) Papu Khan (56 snem) na Delhi.
Ha West Jaiñtia Hills, u Superintendent of Police da pyntip u wa haka 24, 29, 30, 31 u Duiatra (Jan) wa haka 1 tarik uni u bnai, ki chipai BSF ka Dawki BOP da yoh kem ki 105 tylli ki masi kiwa thmu wow chah challan tooh cha Bangladesh ha ki thaaiñ Dawki
Kamtæ u SP da kyntu u yaki paidbah namo ki tre masi wow wan chakhmat ha Dawki Police Station yow leh ya iwa emkaam.
Discussion about this post