Ka DC ka East Khasi da pyntip ko wa ha kini ki 48 kynta da em 21 ngut kiwa yap na u COVID-19 hapoh ka District heiwa na kini 11 ngut toh kiwa na palatsor katwa 10 ngut won na sor.
19 ngut na kini toh ki wym pu em yoh tika katwa 2 ngut won toh kiwa da yoh tika chisien.
Na kini, 2 ngut toh kiwa da khlaad chwa wow poi Hospital katwa 1 won toh wa khlaad ha yung.
15 ngut won toh kiwa da kit cha Hospital hadien 48 kynta wa mih ki dak ki chin wa chitom wa kynthup leh ya 6 ngut kiwa da kit hadien hadien 5 sngi wa sdang u chitom. 12 ngut da khlaad ki hadien 5 sngi wa thiah Hospital.
Kamtæ ka DC da ong ko wa neidaw wa ku kiwa yoh wa kiwa yap na ka khlam, da kyntu ya ki paidbah wym toh u kheiñstiñ ki manda mih ki dak ki chin wa chitom wei wow pyntip wei wow phah Test smat yow ye u leh smat yeiwa emkaam wei yow ye leh u yada nei yap.
Da ong leh ka yukheiñ wa da yoh da pynyoo che ko wa kitu kiwa da yoh tika hanla da chah ktah ki leh duna ka laad ya ki wow joor i chitom hadooh wa hap u thiah Hospital kamjooh wow yap na i kjut. Kamtæ da kyntu ya kiwa chong chnong wow lai chim ki yei tika.
