theme-sticky-logo-alt
theme-logo-alt
Advertisement ad1
Advertisement ad1

Pyrchah ka TUR yei thung VC ka NEHU da u wym toh u tre jylla

Advertisement ad1
Advertisement ad1

Ka Thma U Rangli Juki da khyrngiat wei phylla ko wa ka sorkar India wa yahkhmat da ka BJP wa da thung ko ya u Prof. Prabha Shankar Shukla uwa man leh u khroo jait Brahmin kam u Vice Chancellor ka skurbah NEHU.

Ka chnat ka sorkar India kawa toh u pait yei thung ya ki Vice Chancellor ha ki skurbah yong ka, ka tip che ko wa em ki tre chnong kiwa biang ka kyrdan wow chimkti ya ini i kaam, tangwa ka sorkar India kamwa man ha ki phaw snem wa da lai noh, da jied ko wow mylliñ ya ini wei da pteiñ wow yoobeiñ ya ki tre chnong ka jylla.

Advertisement ad1

Ka skurbah NEHU kawa em ha ka jylla ki jaitbru ri-loom, Meghalaya, wei kawa e chakri ha i liang ka puræ puthi neibynta leh kiwi ki jylla ki jaitbru ri-loom ka thaaiñ mihngi. Da sai ko ya kiwa boon ngut ki bru wa stat kiwa man ki tre chnong wei kiwa em ka kyrdan wow ksoh ya ka kam u næ ka heh dooh yong ka skurbah.

Ini i thmu wow wanrah da ki bru wa na baar jylla da pynyoo ko yei wym kheiñ skop ki bor sorkar na Delhi.

Kani ka skurbah da yoh ko du le ngut ki Vice Chancellor kiwa man ki jaitbru ri-loom wa kynthup ya u tre jylla u Prof. Dr. B.Pakem. Kiwi won ki Vice Chancellor toh na ki khroo jait, lait noh u Dr. B.D. Sharma uwa jooh yakhun lang wa ki Tribal neibynta ki hok yong ki. Kiwi ki Vice Chancellor ym em yutip næ sñiawthooh i iyi iyi leh ya ka dustur riti ki jaitbru waphær waphær ka thaaiñ mihsgi.

Ka TUR da beiñ joor ko ya ini i leh yoobeiñ ka sorkar India wei da dawa leh wa waroh ki chnat krehkaam ka sorkar India kiwa em hapoh ka jylla toh u em ki hapoh ka Reservation Policy yong ka jylla.

Share this:
Previous

21 ngut kiwa khlaad na u COVID-19 ha East Khasi Hills ha ki 48 kynta

Next

Da pynman Containment Zone ya ka chnong Pyndengumiong, la 113 ngut kiwa da chah ktah nadooh wa sdang