Shillong: U Divyansh Rajput da yoh u yaka Double Century yaka Meghalaya haka sngi nyngkong ka yalehke yong ki haka Cooch Behar Trophy pyrchah yaka Arunachal Pradesh wa pynman ha Tezpur ynne ka sngi.
Ka Arunachal da jop ko yaka kylla khlem wei da phah Bat nyngkong ko yaka Meghalaya. U Rajput da kamai u 212 Run na ki 202 Ball wa kynthup ya 24 tylli ki 4 Run wa 12 tylli ki 6 Run yow pynpoi yaka Meghalaya cha 293 All Out. Ini man i palat ya 70% ki Run wa wan na oo.
Hawa jubab, ka Arunachal da yoh ko 5/2 hadooh wa kut ka sngi nyngkong, iwa bood da 288 Run yaka Meghalaya haka Innings wa nyngkong heiwa u Abhishek Kumar da pynhaap u ya waroh ar ki Wicket.
Haka U-23 Col CK Nayudu Trophy, ka Meghalaya da jop ko yaka kylla khlem wei da jied ko wow Bat nyngkong wei da ye ko wow kamai du 119 Run (All Out), heiwa u Yogesh Tiwari da kamai boon dooh u da 31 Run.
Hadooh wa kut ka yalehke, ka Chandigarh da yoh ko 48/3, u Roshan Warbah da yoh u 2/11 wa u Elchiang Ch Momin 1/29.
Discussion about this post