Jowai : Ka jied ya u Dolloi ka Elaka Jowai wa pynman da ka JHADC u man ko ha ka 14 Thohlakhmi (February) nadooh 7 waje i step hadooh 4 waje i janmiet.
Ka Elaka Jowai toh ka Elaka kawa heh dooh ha ri-loom Jaiñtia heiwa ya u Dolloi daw jied da ki 24,533 ngut ki chynrang kiwa da biang i rta thap vote.
Ha waroh da booh hadooh 35 tylli ki Polling Station næ ki thaw thap vote ha ki chnong waphær waphær.
Ka Polling Station kawa boon dooh kiwa thap vote toh ka Dulong, heiwa da em hadooh 1059 ngut ki wow thap, iwa bood won sa ka Ladthadlaboh-B wa em 1050 ngut katwa ka Khliehtyrchi Mookyniang won em ko hadooh 1018 ngut.
Em won du 122 ngut ki wow jied Dolloi ha ka Polling Station ha Twah-U-Sdiah heiwa da em du ar tylli ki chnong ka Twah-U-Sdiah wa em 111 ngut wa ka Rhongkum wa em 11 ngut.
Ka Amlarem Polling Station toh kawa kynthup boon tylli ki chnong heiwa da em hadooh 12 tylli ki chnong wei 570 ngut kiwa vote.
Ki chnong hapoh kani ka Polling Station toh ka Amlarem, Amshipai, Amsyrwai, Amralang, Amjajer Roko, Dapdeng, Pamtadong, Ammutong, Amlatdoh, Shmiashyiang, Lai Lyngdoh, Krangpamtadong.
Ha Jowai da em hadooh 8 tylli ki Polling Station heiwa waroh em ki 5525 ngut kiwa thap vote.
Ki Polling Station ha Jowai man ki kamni 1. Mynthong-727 Vote, 2. Khimusniang-638 Vote, 3. Chutwakhu-752 Vote, 4. Chilliang Raij-489 Vote, 5. Iongpiah-692 Vote, 6. Panaliar-871 Vote, 7. Dulong-1059 Vote, 8. Tpep-pale-297 Vote.
Discussion about this post