Ka Kbai Mooknor ka dak wa sdang ka lehñiam Behdieñkhlam, da khang u rah chyieñ na baar ka Raij Jowai

Ki khon ka Raij Jowai hapoh i yahkhmat u Dolloi, u Pator, u Langdoh, ki Sangot wa ki Wasan ynne ka sngi da pyndep ki ya ka kbai Mooknor ha i thaw wa em ki Mooknor ha Iawmusiang, Jowai heiwa kani ka Kbai Mooknor toh yow e wyrta chula cha ki paidbah hakhmat ka yaaw ka Syiem wa ka lehniam Behdieñkhlam yong ka Raij Jowai da sdang ko ynne ka sngi.

Mar yapoi hakhmat ki Mooknor, u Dolloi ka Elaka Jowai, u Puramon Kynjing da pyndep u ya ka ngooh ka dem wei da bood sa ka Kbai Mooknor deiwa ya yieñ ki hajrong ki Mooknor.

U Dolloi da khana u wa kani ka Kbai Mooknor ynne ka sngi em ko ar bynta, kawi toh i pynbna wym chah de ya ki chyieñ wa na baar u pynpoi hapoh ka Raij Jowai, iwa ar yow e ngooh e dem ya ka Blai Yaaw wow nang kyrkhu kyrdoh ko ya kiwa khih wa kamai kajih haka kamwa toh ka Blai Yaaw wa em ya ka ñiam ka hukum.

Ngait skem u wa i e ngooh e dem yong ki u man i kyrkhu yow miat yow bha i kamai kajih ym du ya kiwa kamai kajih ha kani ka yaaw tangwa ha waroh ki yaaw yong ki Raij wapher haki Elaka waphær.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Ha kani ka sngi da pynsñiaw haroh u cha ki paidbah yow kheiñ khroo ya kawi ka sngi kam ka sngi kyrpang ka bei rymaw hapoh ka Raij Jowai katæ toh haka 14 tarik uni u bnai, ymhoi u pynemkam yaka bei rymaw ha kani ka sngi la dei pooh khyndaw, deiñ dieñ, kam chibynta u sñiawngooh ya ka wa man ko kawa ri wa lum wei pyndap pynbiang ya waroh i emkaam u bru.