Ka yung bichaar ka Special Judge (POCSO), East Jaiñtia Hills District, ka B. Khriam da phah kset ko ya u Boti Surong hadooh 25 snem neidaw wa slaitbor u ya kawi ka khynnah.
Ini toh iwa da ujor ha ka Khliehriat Women Police Station deiwa pynngat ya u Boti Surong hapoh ka kyndon 5(m)/6 ka aiñ POCSO hadien wa takit da ka WP/Sub-Inspector, ka L. Siangshai heiwa da Charge Sheet ha ka 12-10-23.
Neiliang ka yung bichaar da rai pynrem ko ya u Boti Surong hapoh ka kyndon 6(1) ka aiñ POCSO deiwa phah kset ya oo 25 snem deiwa pynchitom joor bha chirup ka kuna kawa Rs. 30,000 wei lada ym su u ya kani daw hap chong kset patok sa 2 bnai (Simple Imprisonment).
Da phah leh wow e yarap Rs. 3 lak cha kani ka khynnah wa chah slaitbor.
Discussion about this post