Ka West Jaiñtia District Sports Association (WJDSA) da pynman ko ya ka yalang pynehdaw chwa wow lai chimbynta kiwa yalehke (Athletics) ka West Jaintia Hills District ha ka Meghalaya State Senior Athletics Championship 2026, kawa daw pynman nadooh ka 14 hadooh 16 tarik uni u bnai ha SAI, STC, Shillong.
Ya ka yalang da pynman ha Indoor Sports Hall, WJDSA, Jowai kawa pynlai da u Cheini W. Niangti, Chairman, Athletic Committee, WJDSA.
Da wan wow chimbynta da kiwa ksoh kaam ka Association chirup ki Coach wa kiwa yalehke heiwa neiliang u Lammat-o Laloo uwa man kam u Adviser ka WJDSA da e u ki kyntien pynchlur mynsien ya kiwa yalehke kiwa daw chimbynta ha kani ka State Championship.
Kiwa yalehke ka WJDSA ki wow chimbynta da em ki 26 ngut heiwa 16 ngut toh ki chynrang wa 10 ngut ki kynthai wei kini toh kiwa da pynkhreh bha deiwa pynman Training deiwa tista.
Neiliang u ka WJDSA da pynsñiaw ko leh yei sñiawngooh ya ki Coach, ki Trainer, ki bei ki pa deilang kiwa yalehke kiwa da kreh chitom wei kiwa da e yei kyrchaan ya kini kiwa yalehke wow lai yakhun ki ha kani ka Championship.
Ka WJDSA pynehdaw pynehnasib ko ya waroh 26 ngut yow wanrah burom yow man leh kam wow e mynsien ya kiwi kiwa yalehke.
Da emlang ha kani ka sngi wa u Ryum T. Khonglah, Hony. General Secretary, WJDSA, u T. Ram Phawa, Vice-President, WJDSA wa u Ebortre Dkhar, Coach.
Discussion about this post