269 Run pynkut ka Puducherry ha ka sngi nyngkong ka Ranji Trophy pyrchah ya ka Meghalaya

Shillong: Kiwa kawang bol ka Meghalaya ynne ka sngi da ye ko wow khang ya kiwa Bat ka Puducherry wow pyntam bon ki Run deiwa pynhaap ki ya ki Wicket wa sah ha ka sngi nygkong Ranji Trophy kawa pynman ha Puducherry.

Ka Puducherry hadien wa jop ko ya ka kylla khlem da jied ko wow Bat nyngkong wei da yoh ko 263/3 hadien wa sah sa 6 Over chwa wow kut ka yalehke ka sngi nyngkong tangwa ka Meghalaya da pynkhyrngiat ko ya ka Puducherry deiwa pynhaap ko sa soo Wicket heiwa da yoh ko sa du le run wei da pynkut ya ka yalehke da 269/7.

U PK Dogra da kamai u 101 Run ya ka Puducherry hei emlang u D Rohit (61 not out) wa u Abhishek Nayar (57). Tangwa da sdang haap ki Wicket hadien wa haap u Nayar ha uwa kawang bol u Dipu Sangma (1/23).

Related posts

U-20 Men’s National Football C’ship 2026: Jop ka Meghalaya sa ya ka Andhra Pradesh

May 13, 2026

MSL 5: Khlem ye ka Mawlai u jop ya ka Nongkseh | Jop ka Lajong ya ka Rangdajied

May 13, 2026

U Sangma da pynhaap u leh ya u Gurinder Singh wei ha kani ka sngi da yoh u (2/58) wa u Lakhan Singh (2/69) katwa u Aditya Singhania da pynhaap u ya u Dogra.

U Rohit man uwa dang neh wei emkaam ka Meghalaya wow pynhaap u mynstep hawa pteiñ ka yalehke.