Ha ki jubab wa da e hapoh ka yung dorbar heiyatoh wa u mooyong, neiliang u Montri Rangbah ka jylla, u Conrad Sangma uwa pait leh ya ka chnat Mining, da pyntip u wa hapoh ka jylla kattæ da em le tylli ki thaw tih mooyong wa leh da ka Scientific Mining wei man ki leh kiwa da krehkaam.
Kiwa da yaleh ya ka Prospecting License hapoh ka aiñ MMDR Act 1957 yow leh sorjamin yow tip katwon em u mooyong, da em ki 37 ngut wei na kini kiwa da yoh ya ka Prospecting License da em ki 27 ngut.
Ka poisa wa yoh ka sorkar lyngba ka GST deiwa dai ya u mooyong nadooh u snem 2018 dapoi ko Rs. 13,87,77,996.
Da pyntip leh wa nadooh wa pynkylla thymme ya ka GST Rate ha ka 22 tarik u September, 2025 ym em de dai lilam (Aution) ya u Mooyong da ka Directorate of Mineral Resources ha u bnai October wa November 2025.
Ki bru wa khayi mooyong ha Meghalaya kiwa em ya ka GST toh 574 ngut katwa ki tre paar mooyong kiwa em GST da em ki le ngut.
Chooh chooh da pyntip wa ki tre paar mooyong kiwa chah kem neiwa pynkrehkaam pyrchah aiñ da em ki 14 ngut nadooh u snem 2018.
Heiyatoh won wa ki thaw tih mooyong wa leh pyrchah aiñ wa chem da ka NESAC wei kiwa krehkaam pyrchah ya ka hukum ka NGT, ym em e jubab neidaw wa kani dang em ko hapoh i bichaar ka yung bichaar (Sub-Judice).
Discussion about this post