“Ka India da man ko kam kawa yahkhmat wow su poisa lyngba ka Digital Payment hapoh pyrthai deiwa pynemkaam yei stat ka juk wa katni namo ka stat Technology yow pynbha pynmiat yei rukom im ki paidbah kamjooh ka synchaar khaddar iwa kiwi ki ri leh da angnood ki wow leh yeini,” da ong u Montri Khynnah ka sorkar pyrdi wa pait ya ka Electronics & Information Technology waka Skill Development & Entrepreneurship, u Rajeev Chandrasekhar hawa e yei klam chaphang i jop i pynkrehkaam ya ka Digital Payment waka Direct Benefit Transfer (DBT), heiwa da yoh myntoi da ki Million ngut kiwa chong chnong ka ri India.
Palat T. 24.8 lak klur da dep phah lyngba ka DBT nadooh u 2013, T. 6.3 lak klur du ha u snem mang tangka 2021-22; deiwa kheiñ yonglang ha ka chi snem kamwa T. 90 lak da phah man-ka-sngi lyngba ka DBT ha u snem mang tangka 2021-22.
Hapoh ka bhah wa 11 ka PM Kisan Samman Nidhi Yojana, kamwa T. 20,000 klur da phah cha ki Bank Account ki 10 klur ngut kiwa da yoh myntoi.
Heiyatoh wa ki Digital Payment won, da leh palat 8,840 klur sien ha u snem 2021-22 wa 3,300 sien ha u snem 2022-23 (hadooh ka 24-07-22); iwa mut deiwa kheiñ yonglang da leh 28.4 klur sien i su poisa lynbga ka Digital Transaction ha chi sngi hapoh ka ri.
U Montri da ong u wa ini i ye ka India u man ko kam ka nongmuna ya kiwi ki ri kiwa dang heh dang san wa kiwa da heh da san.
