theme-sticky-logo-alt
theme-logo-alt
Advertisement ad1
Advertisement ad1

Da pynlait yei Music Video Thawrieh Tngen

Advertisement ad1

U Awhai Andrew Shullai, MDC Central Jowai da pynlait paidbah u yei Music Video iwa pyrtuid Thawrieh Tngen iwa da rwai da u Rinuwa Shylla waka Daiarisa Pakma wei yeini i Music Video da Direct da u Dauru Laloo yong ka DRD Entertainment ha ka yalang wa pynman ha Yungwalieh ka Panaliar ha ka 3 tarik uni u bnai.

Neiliang u Andrew hawa e yei klam da pyn-eh-daw u ya ka DRD Entertainment wow nang ku chooh chooh ko ha ki kaam wa bha kamjooh leh i sap i phong ki khon khynroo khyllood ka chnong Jowai waroh wow sai ki jar jiar i sap i yong ki khnang wa ka pyrthai hi waroh kawi yow yoo yow chynna ko yei kaam wa ki leh ki wei da kyrpaad u leh ya ki paidbah yow kyrchaan ki ya kani ka phlim ka yong ki kawa daw pynmih kawa pyrtuid “Luti I jingim”.

Advertisement ad1

Neiliang u Rinuwa Shylla, Assistant Director kani ka phlim da pynsñiaw u yei eh i khoo iwa chem ki hapyrdi wa lai luti ini i kaam tangwa neiliang i yong oo deilang wa kiwa da embynta ha kani ka phlim da dohyap ki wow leh hawa dep yeiwa dang sahteiñ kani ka phlim wei da ong haroh u wa i thmu i yong ki toh wow kyntu kynrong biang ya ki phlim Pnar ki yong i, kamjooh da ong u leh wa ka sorkar toh u pait u yoo ko yeini i kaam chna phlim wa dang duna bha i yarap naka sorkar.

Da ong haroh u wa kani ka kaam ak phlim, ka put ka tem, i rwai i siaw man ko leh ka pliang-ja wow kamai ja-kpoh kiwa boon ki khynnah khynroo hapoh ka jylla neibhah i khih i kreh leh man i iwa saja bha u yoh katni, da kyntu u leh ya ka sorkar bei wow pait ko yeini i liang wei da pynbna u leh wa yeini i Music Video u wai ki haka YouTube Channel Daurulaloo.

Share this:
Previous

Waroh toh u tipmit yei pyrtuid u Tirot Sing, ong u Meghwal

Next

28.4 klur sien chi sngi phah poisa lyngba ka Digital Payment ha India