Uwa ku loom uwa na Meghalaya, u Tiklu Jyrwa da wiar u deilang wa kiwi hadien wa oor u thah (Avalanche) wa da jia ha Uttarkashi, Uttarakhand ynnin ka sngi.
U Jyrwa uwa man kam uwi uwa chah sikai wow ku loom deilang wa kiwa sikai na ka Nehru Institute of Mountaineering da chah ban ki ha u thah hawa liwan ki na u loom Mount Draupadi Ka Danda II manda poi ki ha ka Dokriani Bamak Glacier.
Kat hadooh ynnin ka sngi i thooh dang pteiñ i tangwa da hap sangeh neidaw wa sih ware i suiñ bneiñ tangwa da ye wow chem yei metyap ki soo ngut wei da ye u pynlait im won ya 8 ngut.
U Jyrwa toh uwi na kiwa ku loom na Meghalaya uwa sah ha Upper Lumpariang wei da chah jied ha uni u snem yow yoh yei sikai ha ka National Institute of Mountaineering and Allied Sports (NIMAS) hadein i e sikai ha Dirang, Arunachal Pradesh.
I oor thah da jia i ynnin heipor kamwa 9:00 waje i step hei thaw wa jrong 16,000 phut na sla duriaw.
Ya kiwa ye u pynlait im wa kiwa da mynsoo da kit cha ka thaw hiar Helicopter wa em hei thaw wa jrong 13,000 phut wei hadien ini da kit cha Dehradun.
Waroh kiwa da lai ku loom da em ki 40 ngut heiwa na kini 28 ngut toh kiwa dang wiar.
