Ka St. Anthony’s Higher Secondary School, Shillong kawa da mihkhmat ya ka Meghalaya ha ka Subroto Cup 2022 ha ka kyrdan Junior Boys U-17 da yoh ko wow psiah Quarter Final deiwa jop ya ka DCT’s Vasantrao Dempo Higher Secondary School of Arts, Science & Commerce, Cujira, Santa Cruize, Goa ynne ka sngi da 6-1 ha Subroto Park Football Ground, New Delhi.
Chwa ini, ka Meghalaya da jop ko ya ka Madhya Pradesh da 4-0 ha ka 3 tarik uni u bnai, ha ka 4 tarik da jop ko da 4-0 ya ka Sainik School, Imphal.
Ynne u Da-O-Hi Paia Rymbai da yoh u wow thap ya ka Hat-Trick deiwa thap kool ha ka 26, 44 wa 68 minit wa mar chi kool na u Deibormame Tongper ha ka minit wa 49, u Chibaitki Pamthied ha ka minit wa 55 wa u Mebannangkiew Thabah ha ka minit wa 61.
Ka Quarter Final daw pynman ha kani ka 9 tarik wei daw tip wei yi u yachem hadien wa dep lut ki yalehke ynne ka sngi iwa ye u man u yachem waka Assam lane ka Nagaland.
