2nd Division East Jaiñtia: Jop ka Moosianglamare New

Ka 2^nd Division 2024 ka East Jaiñtia Hills District Football Association (EJHDFA) da poi ko cha ka sngi wa san ynne deiwa pynman ar tylli ki yalehke.

Ha ka yalehke wa nyngkong, ka Moosianglamare New YWOSC da jop ko ya ka Pamra Paithlu SCSC da 2-0 kiwa thap da u Damon Nongtdu ha ka minit wa 21 wa u Armiki Dkhar ha ka minit wa 23.

Ka yalehke wa ar da kut ko da 1-1 hapyrdi ka Sutnga Mission SSCC waka Kairang SC heiwa ya ka Kairang SC da thap u Rimon Nongtdu ha ka minit wa 6 katwa ya ka Sutnga Mission da thap u Rimiki Dkhar ha ka minit wa 56.

Ki yalehke wa bood u pynman mynstep da ar tylli heiwa ka R. Pohskur SC u yachem ko waka Deinshalalu SC heipor 12:30 pyrdi sngi wei daw pynbood da ka SWO Moosiang Lamare Old SC waka Lumputhoi SC heipor wa 2:30 i sngi.