Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da le tylli ki yalehke.
Ka yalehke wa nyngkong da kut ko da 1-1 hapyrdi ka Tympang SC Wahiajer wa ka Nongdhar Nongthymme. Ya ka Tympang da thap da u Rupaya Dkhar ha ka minit wa 20 katwa ya ka Nongdhar Nongthymme da thap da u Edris Suting ha ka minit wa 48.
Ha ka yalehke wa ar, ka Shillong Police da jop ko ya ka Mupliang RC Dreaming da 3-0 lyngba ki kool wa thap u Angelious Mukhim ha ka minit wa 35, u Iohboklang Kshiar ha ka minit wa 38 wa u Iohbor Nonglyer ha ka minit wa 67.
Ha ka yalehke wa le, ka Maya Club Wahiajer da jop ko ya ka Mukhla Wahchnong da 5-3. Ya ka Maya Club da yoh Hat-Trick u Shamki Mukhtieh uwa da thap ha ka minit wa 14, 66 wa 69, u Embok Pale ha ka minit wa 55 wa u Preshan Supuh ha ka minit wa 71 katwa ya ka Mukhla Wahchnong da thap u Player Suna ha ka minit wa 2, u Rikmenlang Sumer ha ka minit wa 30 wa u Kularmi Lhuid (OG) ha ka minit wa 39.
Ki yalehke mynstep:
Mukhla Chohchrieh Vrs Umladang Shiparalok FC (9AM)
Laru SC Vrs Mainroad SC Wahiajer (11AM)
Discussion about this post