2nd Division EJHDFA: Jop ka Iapmala wei psiah Quarter ka Lakadong Umlatdoh

Ka 2nd Division 2023 ka East Jaiñtia Hills District Football Association (EJHDFA) da pteiñ biang ya ka ynne ka sngi da le tylli ki yalehke.

Ka yalehke wa sdang da pynman hapyrdi ka Iongkaluh SCSC waka Lakadong Umlatdoh SC kawa da kut da 0-0.

Ini mut i wa ka Lakadong Umlatdoh SC da yoh ko wow psiah cha ka Quarter Final.

Ka yalehke wa ar leh da kut ko khlem em wa jop da 1-1 hapyrdi ka Tuberkmaichnong SC waka Sutnga Mission SSCC.

Ya ka Sutnga Mission da thap kool da u Greatstar Pajuh haka minit wa 23 katwa ya ka Tuberkmaichnong da thap kool da u Tony AR Phawa haka minit wa 12.

Related posts

Yoh ka Pipilmoris Wanniang wow man kam ka Category 5 National Football Referee

July 21, 2026

Pynrem ka Sindhu ya ka World Champion wow rah ya ka Japan Open

July 19, 2026

Ha ka yalehke wa le, ka Iapmala UTD SC da jop ko da 1-0 yaka Iatyllilang Hingaria da ka kool wa thap u Spainlang Lamo haka minit wa 46.

Ki yalehke u pteiñ ki ha ka 26 tarik hapyrdi ka Deingshynrum SC waka Ladrymbai Dongwah SCSC heipor 10:00 waje i step, ka Iongkaluh Wahsder SC u yachem ko waka Pamrakmai SC heipor 12:00 waje pyrdi sngi katwa ka Umlyngsha Youth SSC daw yachem ko waka Jalyiah UTD SC heipor 2:00 waje i sngi.