2nd Division EJHDFA: Jop ka Lakadong Umlatdoh, ka Moolamanoh wa ka Ryntihlang

Ka 2^nd Division 2025 ka East Jaiñtia Hills District Football Association (EJHDFA) dapoi ko cha ka sngi wa soo ynne deiwa pynman le tylli ki yalehke.

Ha ka yalehke wa nyngkong, ka Lakadong Umlatdoh SSC da jop ko da 2-0 ya ka Tpep Swer SSWO da ki kool wa thap da u Emonmi Amkhloo ha ka minit wa 48 wa 80.

Ha ka yalehke wa ar, ka Moolamanoh SC da jop ko da 2-1 ya ka Ratacherra CSC. Ya ka Moolamanoh da thap da u Kenny Sixtus Dkhar lyngba ka Penalty ha ka minit wa 44 wa u Jesper Dkhar ha ka minit wa 75 katwa ya ka Ratacherra da thap da u Aibanshkem Surong ha ka minit wa 39.

Ha ka yalehke wa le, ka Khliehmyntriang SCSC da rem ko da 1-2 ha ka Ryntihlang SC Brichyrnot. Ya ka Khliehmyntriang da thap da u Precious sutnga (OG) ha ka minit wa 66 katwa ya ka Ryntihlang da thap da u Aloius Chyrmang ha ka minit wa 7 wa 34.

Related posts

MSL 5: Jop ka Amlarem ya ka Mawlai yow Psiah Pre-Quarter

May 6, 2026

MSL 5: Psiah Pre-Quarter sa ka Mawlai | Jop ka Ladthadlaboh hei sien wa nyngkong

May 2, 2026