2nd Division EJHDFA: Ki liang wa da yoh u psiah Quarter Final

Ka 2^nd Division 2025 ka East Jaiñtia Hills District Football Association (EJHDFA) dapoi ko cha ka sngi wakut ki yalehke League ynne deiwa pynman le tylli ki yalehke.

Ha ka yalehke wa nyngkong, ka Moopynien SCSO da rem ko da 7-0 ha ka Khliehriat West FC da ki kool wa thap u Arlangki Sutnga san tylli ha ka minit wa 10, 20, 34, 47 wa 61, u Da O Shwa Chyrmang ha ka minit wa 22 wa u Jesper Pohleng ha ka minit wa 72.

Ha ka yalehke wa ar, ka Iapmala United SC da jop ko da 2-0 ya ka Lumputhoi SC da ki kool wa thap u Spain Lamo ha ka minit wa 19 wa u Arly Lamo ha ka minit wa 33.

Ka yalehke wa le da kut ko da 1-1 hapyrdi ka Khliehriat East YWSC wa ka Kairang CSC. Ya ka Khliehriat East da u Mihsalan Langstang ha ka minit wa 72 lyngba ka Penalty katwa ya ka Kairang da thap da u Pyrshang Sutnga ha ka minit wa 17.

Kamtæ ki liang wa yoh u psiah Quarter Final man ki kamni:

Mulieh YWSC Suchen

Related posts

I pyntip wa emkaam cha ki Team, ki Club wa em hapoh ka Thadlaskein Sport Association

July 8, 2026

Pyndep u Aibormiky Suchiang ya le tylle ki Coaching Certificate, uwa nyngkong na Jaiñtia Hills wa yoh yeini

July 8, 2026

Moosianglamare Old SC

Lakadong Umlatdoh SSC

Diengshalalu SC

Umlyngsha Youth SC

Khliehriat West FC

Khliehriat East YWSC

Lumshnong YWSC

Ki liang wa da chah pynhiar kyrdan toh ka Tpepswer SSWO, ka Wapungskur SSWO, ka Moopynien SCSO wa ka Lumputhoi SC.