Ka 7th U Debo Shullai Memorial Trophy kawa man leh ka 2nd Division Football Tournament 2024 wa pynman da ka West Jaiñtia District Sports Association (WJDSA) dapoi ko cha ka sngi wa khat-wi ynne deiwa pynman ar tylli ki yalehke.
Ha ka yalehke wa nyngkong, ka Khliehmynkrem da jop ko ya ka Mowtyrchiah da 2-1 heiwa ya ka Khliehmynkrem da thap da u Romiio Lyngdoh ha ka minit wa 22 wa u D. Nongjngi ha ka minit wa 27 katwa ya ka Mowtyrchiah da thap da u Badskhem Dkhar ha ka mini wa 16.
Ha ka yalehke wa ar, ka Chilliangraij da jop ko ya ka Mukhla Umlangchor da 4-2.
Ya ka Chilliangraij da thap da u Iaki Lanong ha ka minit wa 5, u Sajemiki Shylla ha ka minit wa 14 wa 80 wa u Hamewan Rngad ha ka minit wa 46.
Ya ka Mukhla Umlangchor da thap da u Pyrkhatlang Sumer ha ka minit wa 37 wa u Niawkor Sari ha ka minit wa 65.
Ki yalehke wa bood u pynman biang ar tylli mynstep kiwa man kamni:
Lion Sports & Youth Affair Vrs Khliehmyntang Ialong (12:00 PM)
Shangpung Moosyiem Vrs Lumpariat (2:00 PM)
Discussion about this post