Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da pteiñ ya ka ynne ka sngi da ar tylli ki yalehke.
Ha ka yalehke wa nyngkong, ka Maitchaphrang Mowtyrchiah da jop ko yaka Nangbah Dukhu da 5-0 da ki kool wa thap u Batskhem Dkhar haka minit wa 28, u Pynsakhiat Dkhar haka minit wa 38, u Risanlang Dkhar haka minit wa 47 wa 75 wa u Dapnaki Lamarei haka minit wa 66.
Ha ka yalehke wa ar hapyrdi ka Khliehmyngkrem waka Caroline Colony da kut da 1-1.
Ya ka Khliehmyngkrem da thap kool da u Mebanker Challam haka minit wa 72 katwa ya ka Caroline Colony da thap da u Long Pohlong haka minit wa 77.
Ka Maitchaphrang Mowtyrchiah deiwa yoh nyngkong katwa ka Khliehmyngkrem hei wa ar ka Pool C da psiah Quarter Final ki.
Ki yalehke u pteiñ biang mynstep hapyrdi ka Lumpariat waka Chutwakhu heipor 12:00 waje pyrdi sngi wei daw pynbood da ka West Madan Mustem waka Dongmihsngi heipor 2:00 waje i sngi.
Discussion about this post