Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da pteiñ ya ka ynne ka sngi da ar tylli ki yalehke.
Ha ka yalehke wa nyngkong, ka Nangbah Dukhu da jop ko yaka Caroline Colony da 2-0 da ki kool wa thap u Shanlang Thubru haka minit wa 58 wa haka minit wa 70.
Ha ka yalehke wa bood, ka Khliehmynkrem da jop ko yaka Maitchaphrang Mowtyrchiah da 3-1.
Ya ka Khliehmynkrem da thap kool da u Marle Khlem haka minit wa 3 wa 18 wa u E. Mynthlu haka minit wa 65 katwa ya ka Maitchaphrang Mowtyrchiah da thap kool da u Pynsakhiat Dkhar haka minit wa 42.
Ki yalehke wa bood u pynman ha ka 30 tarik hapyrdi ka Dongmihsngi waka Lumpariat heipor 12:00 waje pyrdi sngi wei daw pynkut da ka West Madan Mustem waka Chutwakhu heipor 2:00 waje i sngi.
Discussion about this post