Ha ka thong yong ka Rani Laxmibai Atma Raksha Prashikshan ha uni u bnai April 2026, ka yung krehkaam yong ka District Mission Coordinator, SSA West Jaiñtia Hills da sdang pynman ko ya ka esikai ya ki khynnah kynthai ha ki skur chaphang kammon wow man kiwa da pynkhreh wei wow tip wow yada na ki bru chim kabu næ ki damok.
Kani ka esikai u man ko neibynta le bnai lynter (April-June) tang neibynta ki skur wa dadep jied kyrpang kiwa em ha ki kyrdan Upper Primary wa Secondary Level.
Katkam wa phah ka Ministry of Education ka sorkar pyrdi ya kani ka esikai da ekti ha ka West Jaiñtia Hills Karate Do Association (WJHKA), Jowai kawa man kawi na ki chlem esikai wa ye wow leh ya ini i kaam neibynta wow myntoi ki khynnah kynthai.
Ki dkhot ka WJHKA kiwa dadep pynpliah wow chimkti wow pynlai bait ya kani ka kaam hapoh ka District kynhup ki ya u Na O Mankiwi War Passah (2nd Dan Blackbelt), u Ribait O Pde (1st Dan Blackbelt) ryngkat i synraanlang u Patsha Chyrmang wa kiwi ki dkhot ka WJHKA.
Discussion about this post