Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka sngi wa ynñiaw ynne ka sngi.
Ka yalehke wa da pynman toh hapyrdi ka Phramer waka Mookyndur wa jop daka Pharamer da 1-0.
Ya ka Phramer da pynjop da ka kool u Iaineh Suchiang uwa da thap ha ka minit wa 15.
Ka yalehke wa daw pynman mynstep ka 5 tarik toh hapyrdi ka Lumpyrtuh Mihmyntdu waka Iawmulong Nartiang heipor 3:00 waje noh chariñ ka sngi.
