Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka yalehke wa 16 ynne ka sngi.
Ka yalehke toh kawa da pynman hapyrdi ka Panaliar waka Iawmulong Nartiang kawa da kut da 1-1.
Ya ka kool da thap nyngkong da ka Iawmuliang Nartiang ha ka minit wa 39 lyngba u Dawyoo Shadap heiwa ka Panaliar da su kylliang ko ha ka minit wa 61 lyngba u Obram Sumer.
Mynstep ka yalehke u man ko hapyrdi ka Caroline Colony waka Pynthorlangtein heipor 3:00 waje i sngi.
