Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da pteiñ ya ka ynne ka sngi da kawi donhi ka yalehke.
Ha ka yalehke wa da pynman, ka Iawmulong Nartiang da jop ko yaka Pynthorlangtein da 3-1.
Ya ki kool ka Iawmulong Nartiang da yoh u thap da u Samborlang Nongtdeh haka minit wa 52 wa 70 wa u Heini Phalangki haka minit wa 71 katwa ya ka kool ka Pynthorlangtein da thap da u Wanbiang Bang haka minit wa 64.
Da ini i jop, ka Iawmulong Nartiang da yoh ko wow psiah Quarter Final kam kawa yoh wa ar na ka Pool B deilang waka Shangpung Khliehmuchut kam kawa yoh nyngkong.
Ka yalehke wa bood u pynman ha ka 11 tarik hapyrdi ka Chutwakhu waka Dongmihsngi heipor 12:00 waje pyrdi sngi kawa man leh ka yalehke wa khaddooh chwa u sdang ya ki Quarter Final.
Discussion about this post