Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da pteiñ ya ka ynne ka sngi da kawi donhi ka yalehke kawa man leh ka yalehke wa khaddooh chwa wow sdang noh ya ka Qurater Final.
Ka yalehke wa da pynman toh hapyrdi ka Chutwakhu waka Dongmihsngi kawa da jop da ka Chutwakhu da 3-2.
Ya ki kool ka Chutwakhu da thap da u Roplin Ramut haka minit wa 5 wa 65 wa kawi kawa thap da u Sooki Lamare (Own Goal) haka minit wa 76.
Ya ka Dongmihsngi da thap kool da u Ewanmida O Langstang haka minit wa 37 wa u Samha Oo Ksoo haka minit wa 80.
Da ini i jop, ka Chutwakhu da yoh ko wow psiah cha ka Quarter Final na ka Pool D kam kawa yoh wa ar deilang waka Lumpariat kam kawa yoh nyngkong.
Ki liang kiwa da hiar kyrdan ha uni u snem toh ka West Madan Mustem waka Pynthorlangtein kiwa da chah pynhiar kyrdan cha ka Third Division.
Ki yalehke Quarter Final man ki kamni:
Ha ka 13 tarik heipor 11:30 i step, ka Lion u yachem ko waka Iawmulong Nartiang.
Ha ka 14 tarik heipor 11:30 i step, ka Shangpung Khliehmuchut daw yachem ko waka Khliehmynkrem.
Ha ka 15 tarik heipor 11:30 i step, ka Maitchaphrang Mowtyrchiah u yachem ko waka Chutwakhu.
Ha ka 16 tarik heipor 11:30 i step, ka Lumpariat daw yachem ko waka Mooknor Thadmuthlong.
Discussion about this post